一分鐘跟肩頸腰痛說byebye!日本醫生教路,只要用一樣常見「小道具」+簡易按摩,即可解決肩頸腰痛~

一分鐘跟肩頸腰痛說byebye!日本醫生教路,只要用一樣常見「小道具」+簡易按摩,即可解決肩頸腰痛~

By POP-OL on 14 May 2018

現代人長時間打機、坐喺office到做野,又成日要對住電腦,坐姿唔正確的話,慢慢就會衍生肩頸腰痛嘅問題~日本痛症治療專家北原雅樹醫生就教大家,只要用一件又平又常見嘅「小道具」,對住酸痛部位按摩30秒,每日1至2次,一分鐘就可以緩和到痛症,所以有肩頸腰痛問題嘅你,不妨試下啦!

原來有時就算瘋狂按摩同埋貼藥膏布,都係唔能夠舒緩到肩頸同埋腰背部位所帶來嘅痛楚嫁!根據北原醫生所講,人類全身嘅痛楚觸發點有600幾個,當中以肩部、頸部、腰部同埋腳板底位置嘅數量最多,以頸背至肩膀下方部位為例,就有30至40幾個!觸發點嘅痛楚延伸範圍仲特別廣,例如明明痛嘅係條頸,但觸發點就係肩胛骨周邊,所以無論我地點樣按摩頸,都紓緩唔到痛楚。

ViuTV
Photo from ViuTV

ViuTV
Photo from ViuTV

睇完腰部嘅觸法點分佈圖之後,你就會發現腰痛可能係因為臀部!而我地要對準觸發點進行按摩,不過背後要自己按可能有啲難,但請其他人幫忙,又未必按得到要害~所以北原醫生就諗到可以利用呢樣「工具」去幫病人紓緩肩頸腰痛!而呢樣野就係網球啦!

ViuTV
Photo from ViuTV

而用網球減輕痛楚嘅做法好簡單,首先要平躺壓喺網球上面,然後慢慢蠕動身體,如果感覺到痠痛就即係搵到觸發點。你進行按摩嘅時候會覺得痛,但呢種痛係會慢慢越來越舒服。

ViuTV
Photo from ViuTV

想紓緩肩頸痛嘅朋友,做嘅時候記得手要放開,個人保持放鬆,如果唔係肩胛骨係唔會打開~

ViuTV
Photo from ViuTV

想紓緩腰痛,就可以坐喺網球上面移動身體~

ViuTV
Photo from ViuTV

北原醫生建議大家每日做1至2次,每次做30秒左右,大概用1分鐘就可以緩和到不適啦!

ViuTV
Photo from ViuTV

而另一位專家安達純子小姐,佢係日本女子足球奧運代表隊嘅御用按摩師,佢都建議可以用網球解決肩膀痛問題!因為網球嘅大細同我地嘅手差唔多,又帶有彈力,可以有效地舒展僵硬嘅部份。安達小姐嘅方法,係用網球喺胸口到以打圈方式按壓,同埋喺腋下、頸背以上下式滾動網球。

ViuTV
Photo from ViuTV

佢話要紓緩肩膀痛,就要先放鬆胸前嘅肌肉,因為肩胛骨唔單止係脊背嘅骨,當中有一部分都係包圍住身體前側,當伸延到前方嘅肌肉僵硬,肩胛骨就會向前傾,造成肩膀痛。而腋下同埋頸背都同樣有連結肩胛骨嘅肌肉,所以有必要鬆弛~

ViuTV
Photo from ViuTV

之後原本向前傾嘅肩膀就會自然向後拉鬆,特別適合有寒背問題同埋成日不自覺用電腦嘅時候前傾嘅學生、上班族同埋機迷。每日喺胸前兩邊、腋下兩邊同埋頸背分別用網球碌1分鐘,合共5分鐘,就可以消除到疲勞~

ViuTV
Photo from ViuTV

ViuTV
Photo from ViuTV

Text:POP-OL Editorial

Photo source:ViuTV

Share to Facebook